5.6.07

La NASA desendolca un robot pa esplorar y topografiar cavidaes somorguiaes


Clementina, trabayando. Semeya: Deep Phreatic Thermal Explorer (DEPTHX)

L'Alministración Nacional d'Aeronáutica y l'Espaciu (NASA) quier esplorar lo más fondero del cenote denomáu "Poza El Zacatón", en Aldama (Tamaulipas-México) como ensayu pa un robot col que nel futuru cuenten esplorar -ente más otro- Europa, una de les llunes de Xúpiter.

El Proyeutu Deep Phreatic Thermal Explorer (DEPTHX), mira d'aportar col robot “Clementina” a lo más fondero'l cenote -a más de -300 metros de fondura-, au nunca nun aportara naide enxamás. El robot ye quién pa cartografiar en 3D galeríes somorguiaes de cueves y mines, al tiempu que recueye muestres d'agua, biolóxiques o de sedimentos.

La "Poza El Zacatón" allugada n'Aldama (Tamaulipas-México), tien la forma clásica los cenotes: una escomanada cavidá abierta de 116 m de diámetru, con paredes verticales que toquen la superficie l'agua unos 20 m perbaxo'l nivel del suelu la redolada. A 10 metros so les sos agües de color verde escuru, con bien poco d'osíxenu y a más de 30ºC de temperatura, ábrese una galería de 180 m de llargor qu'amiya perbaxo los 300 m. de fondura, ensin qu'entá s'aportara a lo fondero. La poza llámase asina porque na superficie'l llagu hai un isllote flotante de zacate (estropayu, Luffa cylindrica) que se mueve d'una oriella a otra.

El 6 d'abril de 1994, Sheck Exley, (que baxara en sifones a -238 m en 1988 y -265 m en 1989), somorguióse nes agües de la "Poza El Zacatón" xunta'l so compañeru Jim Bowden, pa mirar de amiyar per primer vegada perbaxu los 1.000 pies (-305 m) de fondura. Desgraciadamente, un pergrave incidente provocó la muerte d'Exley a -268 metros.

¡Gracies Nuno!. Más info:

> Proyeutu Deep Phreathic Thermal Explorer (DEPTHX).

Links to this post:

Crear un enlace

<< Home

En cumplimientu lo afitao nel artículu 10 de la Llei 34/2002, de 11 de xunetu, de Servicios de la Sociedá la Información y de Comerciu Electrónicu, faise constar qu'estes páxines correspuenden a la entidá ensin ánimu de lucru denomada GRUPU D'ESPELEOLOXÍA GORFOLÍ, con CIF G-33.077.272 -Avilés (Asturies), inscrita nel Rexistru de Clubes Deportivos de la Conseyería d'Educación, Cultura y Deportes del Principáu d'Asturies

Creative Commons License
Copyleft - Dellos derechos reservaos | This work is licensed under a Creative Commons License

Asociación por un PuntuAST

Avisu: L'asturianu ye la llingua propia d´Asturies. Si quies saber más, pica equí Warning: Asturian is our own languaje, if you want to know more, click here

N'Espeleoastur damos la cara pola Oficialidá Abondos documentos nesti site puen obtenese en PDF. Pa lleer esta mena d´archivos fai falta tener instaláu l´Adobe Acrobat Reader  

Estadisticas y contadores web gratis
Oposiciones Masters