29.1.05

País



L'alpinista y médicu asturianu Jorge Egocheaga estrenó esti añu n'Antártida. Tamién la gallega Chus Lago y Miguel Ángel Vidal, fueron quién p'ascender el Monte Vinson (4.897 m.), aguantando sensaciones térmiques perbaxo los -60º centígrados.

Dende que foi y vieno a Uviéu del Everest n'autobús, solu, ensin ayudes públiques nin reconocencia "oficial" dala, píntame qu'Egocheaga ye'l paradigma de lo que somos, de lo que pensamos y de lo que facemos abondos asturianos anguaño.

Dende esti país pequeñu que da les boquiaes n'ayén, perdíu pente los borrinosos Finisterres de la Europa Atlántica, enllamargáu na miseria valera de los sieglos y depredáu por un establishment blindáu nel que engorden los necios usurpadores de la memoria de tou un pueblu, vése tamién dar vueltes la rueda de la vida. Y, neto que los nuesos antepasaos, dalgunos echámonos al monte, mirando d'atopar la belleza, persabiendo que ye la única protesta que paga la pena n'esti puercu mundu, mirando de resistir un poco más...

0 Comentarios:

Publicar un comentario en la entrada

Enllaces:

Crear un vínculo

<< Home

Estes páxines nun tienen ánimu de lucru dalu y son de calter puramente divulgativu y cultural. Si tienes daqué suxerencia que nos facer o camientes que daqué material nun tien porqué tar equí allugáu, fáinoslo saber ya miraremos d'igualo darréu. Tampoco nun mos facemos responsables de los conteníos de les direiciones a les qu'apunten los nuesos enllaces o los camudamientos que pudieren orixinase nelles. Nun se caltendrá correspondencia privada sobre los conteníos d'esti Blog y faise reserva del derechu a incluyir o non equí el material que se pudiera unviar. @  

Estadisticas y contadores web gratis
Oposiciones Masters