Que Deva te guarde, Mireia

La nuesa collacia Mireia Bolta Josa falleció ayeri domingu día 12 mentantu esploraba nel sistema kársticu de La Motilla, na surdencia de Pasada Blanca del ríu Hozgarganta (Cádiz) y pel momentu nun tenemos muncha más información.

Suenen güei nos nuesos corazones les Campanes de Konevitsa y nel sonar máxicu del kantele suomi -l’instrumentu que fuera creáu pol primer home del mundu na épica finesa- ye fácil sentir el pesu d’esta tristura de plombu, de la pantasma de l’ausencia, del orbayu que mos cala hasta’l güesu. De la señardá boreal que siempre mos va acompañar a tolos que pudimos esfrutar de la sorrisa de Mireia, de les sos ganes de vivir.

Que Deva te guarde, Mireia

Publicado en Les anuncies | Deja un comentario

Nueva web sobre les esploraciones n’El Pozo Azul (Burgos)

Esta ye la nueva páxina con información oficial sobre les esploraciones n’El Pozo Azul (Covanera, Burgos) nes que participamos. Que vos preste!

Gracies, Teca!

> El Pozo Azul (Covanera, Burgos)

Publicado en Les anuncies | Deja un comentario

Avance les esploraciones na Cueva l’Arquera (Santoveña, Vibañu. Llanes)

Sifón na Cueva l’Arquera. Semeya: Rafa Bernardo (GE Gorfolí)

Los collacios de la SEB Escar tan acabante asoleyar nel blogue del Karst de la Peñe Villa, Llabres y Los Resquilones la reseña de les esploraciones que tan desendolcándose na Cueva l’Arquera (tamién conocida como Cueva las Inxanas o Cueva’l Barcón), en Santoveña, Vibañu (Llanes), nes que participamos xente del GE Gorfolí y l’AD Cuasacas (Asturies), llevando yá cuatro sifones superaos y más de 900 m. de desendolcu.

> Avance de les esploraciones na Cueva l’Arquera (SEB Escar).

Publicado en Les anuncies | Deja un comentario

La SEB Escar asoleya la memoria de la campaña d’esploración Villa-Llabres 2011

Los collacios de la SEB Escar (Llanes) tan acabante asoleyar la memoria la campaña d’esploración 2011 na zona la Peñe Villa, la Peñe Llabres y el Picu los Resquilones (Llanes), que podéis consultar, imprimir y/o descargar dende Scribd picando equí.

Nesta campaña andecharon espeleólogos d’estremaos clubes: SEB Escar, GE Gorfolí, AD Cuasacas (Asturies), GE Niphargus (Burgos), SE Lenar (Cantabria), GE Sil (lleón) y la GES de la SEM (Málaga).

Los principales resultaos algamáronse na Cueva l’Arquera, con cuatro sifones superaos y más de 900 m. de desendolcu y na Cueva Rufresnu. Amás incrementóse’l desendolcu topografiáu na Cueva’l Mazu, la Cueva la Zurra y la Rede d’Entrecuevas, esplorando y topografiando más d’una ventena d’otres pequeñes cavidaes na zona. ¡Bon trabayu, collacios!.

> Memoria Campaña d’Esploración Villa-Llabres 2011 (SEB Escar).

Publicado en Les anuncies | Deja un comentario

A la gueta la Meta menardi

Al traviés del blogue de los collacios de la SEB Escar,  el collaciu Toni Pérez (GE Villacarrillo, Jaen) da anuncia de que l’araña Meta menardi, qu’aveza a colonizar l’interior de les cueves nes zones más averaes a la boca, fuera declarada “araña del añu” y especie cavernícola del añu 2012.
El Grupo Ibérico de Aracnología n’andecha col GEV entamen un proyeutu nel que los espeleólogos podemos participar, collaborando na investigación.

> Más información nel blogue de bioespeleoloxía del GEV, equí.

Publicado en Les anuncies | Deja un comentario

Camín d’Ariu

Nesti recién proyectu denomáu Camino de Ario,  dánse a conocer les esploraciones de los collacios del GE Polifemo (Uviéu) xunta otros collaboradores de dientro y fuera d’Asturies na so fastera de trabayu n’El Cornión (Picos d’Europa, Asturies). La nuesa norabona pola iniciativa y alantre cola esploración!.

> Camino de Ario.

Publicado en Les anuncies | Deja un comentario

Belén de Cueves 2011

Belén de Cueves 2011. GE Polifemo, L'Esperteyu y Asoc. Belenista de Xixón

Yá tan equí les Fiestes nadaliegues y como tolos años, los collacios del GE Polifemo (Uviéu) entamen el Belén de Cueves pal prósimu domingu 18 d’avientu, xunta l’Esperteyu Cavernícola Espeleo-Club (Xixón) y l’Asociación Belenista de Xixón. Esta actividá de calter lúdicu y pensada principalmente pa los neños, va facese esti añu na Cueva H.oulagua (Llanes) ya igual hasta apaez per allí Papá Noel con delles sorpreses!. Gracies, Santi!.

Publicado en Les anuncies | Deja un comentario

Espeleo Útil

Espeleo Útil

La collacia Cantia Gutiérrez de l’AD Cuasacas, acaba presentar una nueva y potente ferramienta desendolcada con teunoloxía Google Sites que mira de facilitar el llabor de documentación espeleolóxica con una gran base de datos que simplifica y de qué manera andar a la gueta de bien d’informaciones y materiales rellacionaos cola nuesa actividá n’Internet. Potente, bien encadarmada, cenciella, completa y ampliable…  imprescindible y a Favoritos darréu. ¡Gracies, Cantia!

> Espeleo Útil

Publicado en Les anuncies | Deja un comentario

El que nunca tuvo en Casu…

VII Axuntanza d'Espeleólogos Asturianos. El Campu (Casu-Asturies), 26 y 27 de payares de 2011

La VII Axuntanza d’ Espeleólogos Asturianos, celebróse los díes 26 y 27 de payares nel Centru d’Interpretación del Parque Natural de Redes n’El Campu (Casu-Asturies), entamada pol GE Polifemo d’Uviéu, cola collaboración de l’AD Cuasacas (Trubia-Uviéu), la SEB Escar (LLanes), el GE Diañu Burlón (Corvera), el GE Gorfolí (Avilés), L’Esperteyu Cavernícola Espeleo-Club (Xixón) y el CE El Raigusu (Llaviana).

Na revista Montaña Montaña hai una completa crónica d’esti prestosu alcuentru, que yá fai el séptimu d’una granible y bayurosa ristra d’ellos. Nesti archivu PDF, queda l’alcordanza d’ellos y de tolo que llevamos trabayao n’andecha, gracies al collaciu Javier Santa Eugenia, del Esperteyu Cavernícola Espeleo-Club.

Dende Espeleoastur, gracies fonderes a los collacios del GE Polifemo pol so trabayu; al Ayuntamientu de Casu y al so Alcalde, D. Tomás Cueria pola prestosa acoyida; a la Direición y al personal del Centru d’Interpretación del Parque Natural de Redes; al personal del Albergue Camín de Redes pola so simpatía, paciencia y prestosa cocina; al personal del Muséu de la Madera; a Marigel Álvarez, Quesera Mayor d’Asturies, de la Quesería Reciegos Agroturismu por caltener viva l’ayalga de cultura gastronómica que ye’l quesu casín; a la Conceyala de Cultura del Ayuntamientu de Llaviana, Dª. Mª Inés García Vega y al Presidente de la Federación Cántabra de Espeleología D. Juan Colina pola so presencia nos actos; a los Doctores D. Nemesio Heredia y Dª. Mónica Meléndez, investigadores del Instituto Geológico y Minero de España (IGME) poles sos valioses aportaciones; y ánimu a los collacios del GE El Raigusu de Llaviana, que van ser los encargaos de montar l’Axuntanza que vien… yá naguamos por ello!.

El que nunca tuvo en Casu
nin de Casu comió’l quesu
ye señal que nun faz casu
nin comió del meyor quesu

> Historia de les Axuntances. Javier Santa Eugenia (L’Esperteyu). PDF
> Crónica de la VII Axuntanza d’Espeleólogos Asturianos 2011
> La VII Axuntanza (SEB Escar)
> La VII Axuntanza (GE Diañu Burlón)
> La VII Axuntanza (AD Cuasacas)

Publicado en Les anuncies | Deja un comentario

Noticies d’Iñaki!

Iñaki Aguirre, raqueru oficial del GE Gorfolí, cola so Yamaha FZR-600 "Folixa Astur" en NYC, tres de pasar pel llagu Baikal, Toronto y Florida

Nel altu de La Espina
conocí un pastor.
Hai yá mui bien d’años,
nel altu de La Espina,
au suañaba yo.

Falóme de L’Habana,
Los Ánxeles, Chicago
y de Nueva York (…)

“Neñu, el mundu ye pequeñu
si nun tienes corazón”
-dixo él- (…)

Nel altu de La Espina
conocí un pastor (…)

Falóme de La Veiga,
Oubona y Paniceiros,
Caeras y Busmión (…)

“Neñu, el mundu ye pergrande
si ye grande’l corazón”
-dixo él- (…)

Xuan Bello. Adaptación de Lisardo Lombardía pa Llan de Cubel

Iñaki Aguirre alies “Topalante”, honorable raqueru oficial del GE Gorfolí, acaba llegar a casa tres de dar la vuelta al mundu na so fiel Folixa Astur. Salió a dar una vueltina esti branu hasta’l Llagu Baikal en Rusia pero, una y bones ellí, tiró too p’alantre per ende cul.lá hasta Korea y, yá que taba, siguió p’América vía Toronto, Florida y New York. Ellí dexó descansando la so FZR-600 hasta l’añu qu’entra, a ver si sigue topalante al otru llau de la mar, hasta Ushuaia. A la espera de si s’anima a abrir un blogue pa contar tantes coses, entrín y non, nesti filu tenéis una auténtica aventura pa esfrutar: http://acurti.es/Qqv

Y pa corazón grande, el d’Iñaki. Dende Espeleoastur, un fuerte abrazu!.

Publicado en Les anuncies | 4 comentarios