reacciones federativas

Este comentario recoje algo que preocupa a gran parte de la comunidad: la licencia federativa y el convenio "existente" con los refugios de montaña en Asturies.
Ah, y otra gran cuestion: el espeleosocorro y otras cosas sin importancia...

El fin de selmana pasau, 30 de Xunu y 1 de Xunetu de 2001 dedicamoslu al descensu de foces. Plantegamosnos el sábadu baxar la Foz de las Xanas (Conceyu Quirós-Conceyu de Santu Adrianu) y el domingu la Foz de Cuasacas (Conceyu Quirós-Conceyu Probaza).
Les dos son xeres que nun necesiten un altu nivel teúnicu pero si un ciertu conocimientu de lo que ye esti tipu de actividá venceyada a la espeleoloxia. De fechu, la tarxeta federativa, tanto la normal como la plus, incluye esta xera dientro de les actividaes que cubre l'aseguradora contratada.

Pues bien, esti fin de selmana constatamos dos fechos qu'amuesen-nos como siguen les coses dientro de la FASE. Dempués de pasar 7 meses de les caberes elleciones a la Asamblea Xeneral de la FASE y la posterior elleción del presidente parez que les coses siguen igual, o bien al Grupu d'Espeleoloxia Gorfolí nun llegó niciu de que les coses cambiaren.
Na nuechi del sábadu empobinamonos al refuxu d'El Llanu (Quirós), xestionau pela Federación de Deportes de Montaña del Princiapu d'Asturies pa pasar ellí la nuechi. Al entrugar a la encargada si cola llicencia federativa de la FASE o de la FEE teniamos dalgún descuentu dixonos que non. Qu'ella sepia nun ningún alcuerdu ente eses federaciones y la FEMPA, asina que si queriamos dormir teniamos que pagar como nun federaos. Esto parezme normal. Lo que nun me parez normal ye que, siendo como son los refugios propiedá del Principau d'Asturies y siendo nos un collectivu que comparte colos montañeros el mesmu mediu, inda nun tengamos esti alcuerdu arreglau cola FEMPA.
7 meses dan tiempu pa intentar polo menos dalgún contautu, pero quicias esto nun merez la pena a los güeyos del presidente.



El domingu metímonos na Foz de Cuasacas y cuando nos quedaben 4 rapeles y dellos resbaladeros pa terminar la foz, más un recorridu llargu de monte pa llegar a la carretera, tuvimos la mala suerte que Pepo cayera de forma descontroloda per un resbaladeru y pegara con una piedra somorguiada. El fuerte dolor que sintió fizonos pensar n'una fractura de güesu y planteganos que dibamos facer a partir d'esi momentu.
Habia dos posibilidaes: que daquien de nos saliera rápidamente a pedir ayuda, colo que l'equipu quedaria mermau n'una persona menos, una cuerda menos y menos material que podrie ser necesariu. Pero pedir ayuda, ¿a quien? N'entamu, Pepo ye un espeleologu federau al traviés del Grupu d'Espeleoloxia Gorfolí na Federación Asturiana d'Espeleoloxia y por imperativu ¿llegal? na Federación Española de Espeleologia, asina que podrie esperar que la cadarma d'espeleosocorru furrulase. Pero tolos que tábamos ellí sabiamos que esperar ayuda del esterior yera una espera por naide, salvo los collacios que de manera personal quisieren echar una mano a pesar de que eso podrie metelos xunto cola xente del G.E. Gorfolí na llista prieta de los enemigos de la FASE
Asina que tomamos la decisión única que nos quedaba, arrastrar a Pepo pelos rápeles y poces fasta sacalu d'ellí. Pepo apretó los dientes y tiró p'alantre porque sinon sabia que pasaba la nuechi ellí como pocu. Tres la parte con agua entama na foz un regueru de llerones, matos y arboles atravesaos onde la única manera de tresportar un feriu ye al llombu d'un paisanu.

Asina la ficimos y dempués de cuatru hores algamamos la carretera onde ya podiemos dir buscar la furgoneta. Más tarde, la médicu de Probaza diagnosticaria una posible rotura de lligamentos, que podrie complicase de tar más hores ensin atención médica.
Bien, esta vegada toconos a nos y pudimos solucionalo porque tabamos ellí un equipu fuerte y perféutamente formau teúnicamente...¿y la prósima?

7 meses ye muncho tiempu, suficiente pa entamar contaútos con Protección Civil del Principau d'Asturies y entamar una cadarma d'espeleosocorru dientru de la FASE, pero todo parez igual que n'Avientu del 2000, y al modu de ver de dalgunos quicias peor. Pero a lo meyor ye cosa de los perxuraos qu'empeñámonos en velo todo mal. Federate, dicen...verás mundu, dicen...tendrás información, dicen...pertenecerás a un collectivu qu'ampararate, dicen...tramitaranse los permisos pa Picos d'Europa dilixentemente (pedímoslu'n xineru y entá tamos esperando per el), dicen... Esto ya ye un detallin al marxe. Cuando tramitamos col presidente de la FASE el parte d'acidente esti nin entrugó como fuera el acidente nin l'estau del acidentau...¿Esta indiferencia ye por ser un espeleólogu del G.E. Gorfolí, por ser espeleólogu qu'esplora o simplemente por ser espeleólogu asturianu?