A finales de los años ochenta, otru buque, el «Mina Coto», embarrancó xusto na mesma faza que'l «Grenland», magar que naquella dómina nun taba entá fechu l'espigón de la bocana'l puertu d'Avilés (Asturies). Naquel tiempu inda nun s'amatagaren los ecos del fundimientu del graneleru «Luchana», a seis milles de la bocana, un naufraxu rexistráu el 15 de xineru de 1986, con un tripulante muertu y tres desparecíos. Tres dellos díes aguantando los guelpes de les foles, los remolcadores del puertu fueron quiénes a lliberar el barcu y llevalu a puertu, pa igualu. Averándonos más nel tiempu, el caberu acidente de cierta importancia nel puertu avilesín rexistróse en xineru del añu pasáu, cuando un buque chipriota, el «Wahlstedt», pegó escontra la Punta La Forcada, pola mor de los fuertes vientos qu'había nesi momentu. El buque iguóse na dársena de San Agustín (Avilés).