Torna: Xesús F. Manteca (GE Gorfolí –Asturies)

…"Pero la chatarra, naquella dómina de la I Guerra Europea, yera perapreciada y bien pagada, pagando la pena dedicase a la so gueta.

Ente estos buques puede mencionase’l «Cabo de Palos», fundíu el pasáu sieglu na entrada’l puertu d’Avilés; el corréu «Isla de Cuba», naufragáu en Punta Bellota (Suances), y restos de munchos otros tresmanaos naquelles costes. Otru trabayu perinteresante foi la búsqueda y recuperación de la carga de llingotes de cobre del buque «Pedraza», fundíu nel trescursu l’antedicha guerra. Allugáronlu a 32 m. de fondura, gracies a los relatos de los tripulantes qu’arribaron a Llanes nos sos botes salvavides dempués del naufraxu.

Los trabayos nesti buque ficiéronse con grandes pilancos y esfuerzu, pues sólo se disponía d’una bomba d’aire Siebe-Gorman, que namái que taba capacitada pa suministrar aire en bones condiciones dica los veinte metros de fondura. Precisamente mentantu la recuperación de los valiosos llingotes de cobre d’esti buque ocurrió l’accidente del que foi protagonista el famosu buzu José Rodriguez.

Nel caberu somorgamientu que fizo ésti, de dos hores y media de duración, dio la salida y vino a la superficie ensin facer la descompresión correspondiente. Cuando-y quitaron el cascu, entamó a sentise enfermu y perdió’l conocimientu cuando yá taba na cubierta’l buque auxiliar. Darréu-y quitaron el traxe y, como remediu que cuidó afayadizu, Enrique empapó un trapu en vino y entamó a da-y friegues. Cuando llegaron a Suances alcordó, pero nun movía más que la cabeza y los brazos, dando unos glayíos espantibles. Magar de ser treslladáu con tola priesa a un hospital, quedóse dafecho paralíticu de cintura p’abaxu. A los treinta años de l’acidente, morrió con tal grau de parálisis que nun yera quién a llevase la comida a la boca."….

Les cordenaes del «Pedrosa» son: X= 43º 26’ 58"; Y= 04º 45’ 98".

No fondero ta cola proa nortiada al suroeste y la popa al noreste, perpendicular a les llastres del fondu.