Espedición FFESSM-Ensame Aguarón
Picos d’Europa 2005 (Asturies)
Xesús F. Manteca (GE Gorfolí -
Asturies)
Gracies especiales al camping Picos d’Europa de
Benia d’Onis
RESUME:
Esti
añu la expedición andechada ente la Commissión Regionale de Plongée
Souterranie Languedoc- Roussillon Midi-Pyrénées y el Grupu d’Espeleoloxia
Gorfolí-EnsameAguarón desendolcóse mentantu siete dies, de los cuales cinco
foron de merguyu. Los trabayos d’esploración desendolcáronse namái en dos
cueves.
En
H.uenti Obar esploráronse alredor de 2.700 m. de galeríes, de los que se
topografiaron 2.000 m. La cueva ye una rede de galeríes que van amestándose
dica formar el ríu que surde al Ríu Cares y s’amuesa como la surdencia de la
fastera d’El Cuetón y fastera este del Cabezu Llerosos. De xuru tamos ente
una gran cavidá. La cueva continúa per un sifón nel ríu y per delles galeríes
seques.
En
Fonte Obaya foi trespasáu el sifón, algamando pela Galería’l Coneyu una
galería aéria tres d’un percorríu somorguiáu de 476 m. con una fondura másima
de -52 m.f. L’usu d’un reciclador Inspiration con trimix normóxicu facilitó
enforma esti bon resultáu. Nun foi posible salir de l’agua pol pesu
l’equipu pero vése que la cueva continúa, tres d’un pequeñu tombayón,
per un llagu col techu a 7 m. d’altor.
Penriba
la esguilada qu’hai enriba la poza’l sifón el duck atopáu nel añu 2004
siguía soplando aire, pero dexóse la esploración pa otra vegada. A primeros
d’ochobre plantegóse’l pasar esti duck. Por si facia falta, lleváronse un
par de botelles de 4 ll. con restos d’aire (unos 50 bar.), procedentes
d’otra esploración. Foi una sorpresa l’atopase col primer duck camudáu nún
sifón. Onde de costume l’agua llega pel todiellu, esta vegada llegaba casi al
pescuezu, faciendo del duck primeru un sifón de 2 m.f. y 10 m. de llargor. Equí
usáronse les botelles camentando que’l duck cimeru, al tar más altu
penriba’l nivel de l’agua nel sifón tendría entá aire. Nun foi asina, el
duck yera un sifón con agua y repla nes orielles y pa’l que n’esi momentu
yera necesariu l’usu de material de merguyu.
Andechiegos: Xesús Manteca, Javier Lusarreta, Martín Burgui, Oscár Cuadrado, Denis Grammont, Mehdi Dighouth, Eric Julien, Kino Passevant, Marilyn Hanin, Damien Vignoles, Michel Wienin y Frank Vasseur.
Los Clubes: Le Beluga, Les Taupes Palmées, Spéléo Club des Causses, Société Cévenole de Spéléologie et de Préhistoire, Ensame Aguaron (Grupo d’Espeleoloxia Gorfolí- S.E. Lenar).
Sofiten:
Commission
Régionale de Plongée Souterraine Languedoc-Roussillion Midi-Pyrénées
(F.F.E.S.S.M.); Fédération
Francaise de Spléléologie (F.F.S.) sous
le n°32/2005; el
Grupu d’Espeleoloxia Gorfolí-Ensame Aguarón nun tien sofitu dalu, nin
puta falta que-y
fai.
Fonte Obaya
Diariu
y llevantamientos topográficos fechos pel ensame, resume y dibuxu topografíes
fechos por Damien Vignoles
Rellectura
y correiciones: Frank Vasseur, Marilyn Hanin y Michel Wienen
Torna al asturianu: Xesús F. Manteca
RESUME
Esti añu tornamos esplorar los fontanes nes que quedamos paraos por falta tiempu l’añu pasau. L’oxetivu cimeru yera la surdencia de H.uenti Obar, ya vista en 2003 y 2004 pero muy prometedora. Esta cueva abrese na oriella del Riu Cares, na Canal Negra (Conceyu Cabrales) (ver memoria Espedición Picos 2003).
Más de 2,7 km. de topografía fueron llevantaos. Tamos paraos agora por falta de tiempu en galeries inesploraes y n’un sifón cristalin que tiendenos los brazos.
El
segundu oxetivu yera’l merguyu en Fonte Obaya (Conceyu Colunga)
ú Frank fizo nes caberes xornaes una inmersión na galería principal. Sifón franquiau (476m/-52) con un reciclador Inspiration. La
esploración quedó baxu un tombayón n’una poza fonda onde ye imposible
quitase l’equipu solu.
El
segundu oxetivu yera’l merguyu en Fonte Obaya (Conceyu Colunga)
ú Frank fizo nes caberes xornaes una inmersión na galería principal. Sifón franquiau (476m/-52) con un reciclador Inspiration. La
esploración quedó baxu un tombayón n’una poza fonda onde ye imposible
quitase l’equipu solu.
Gracies
una vegada mas al equipu asturianu Ensame Aguarón pola so axuda. Munches
gracies tamién al Camping Picos d’Europa pol so abellugu.
DIARIU
Xueves
4
(Una
parte de l’equipu sal mas ceu pa seguir la esploración de la Fonte de la Hèche
en los Hautes Pyrénées, ver Spelunca nº 101).
Salida
a les 14 h. de los dos equipos: Michel y Franck, Damien y Marilyn.
Dempués de tolos retrasos que siempre hay en toles salides d’espedición,
llegamos les 19 h. a Lomné, en el departamentu 65 (Hautes-Pyrénées).
Allí,
Yves André esperanos y somos acoyidos na casa de Mr. Samuel de Cardaillac.
Dempués d’iguar el material, deitamonos ceu en previsión de la salida
a la Fonte de Héche prevista pa mañán.
Vienres
5
Llevantámonos a les 8 h. Tres d’un bon almuerzu, una cabera verificación del material. Esperamos por J. François y Alfonsa Coronado que vienen axudanos nel carretamientu. Dempués colamos pa la cueva, allugada en Fréchet-Aure. Siete saques y 45 minutos mas sero llegamos delantre la entrada ú los merguyadores y los carretadores preparense pa dempués percorrer 600 m. de galeries dica’l sifón.
La
subida de los carretadores entama a les 13 hores, los do primeros suben en ½
hora, pa esperar dempués 40 minutos pel restu l’equipu que sigue el camín
poco triau que sube al traviés de la biesca dende los coches.
Dempués
l’equipu de porteadores fay una visita a les cueves prehistóriques del
fondu’l valle (Cueva de Noisetier, per baxu del pueblu de Fréchet-Aure, en trámite
na carta arqueológica; Michel y Jean –François amesten una de
“bardialada” p’alcontrar un
par de cueves vecines), los carretadores tornen al campamento dempués de
merendar.
22h30:
Tornen los merguyadores que ficieron 280 m. más y pararon n’un pequeñu sifón
claru y n’un barullu costeros.
Sábadu
6
Yves
y Jean-François salen ceu pa dir guetar el restu materila dexau na entrada la
cueva pel equipu d’esploración, mentantu los merguyadores descansen y faen la
topo.
Frank
quédase al mediudia na casa los padres de C. Darolles, mentantu los otros
van ver les surdencies y sumidorios d’alredor, particularmente’l riu
soterrañu del Prat det Nym pa batiar el sable cola esperanza de Michel
d’atopar cascoxos. Pela tarde
somos convidaos a xintar na casa de Mr. Picard, un collaciu arqueólogu
aficionau, que vive n’una guapa casa fuerte remocicada creca del pueblu de
Sailhan.
Domingu
7
Salida
a les 9 h pa’l Camping “Picos d’Europa”, cerca del pueblu d’Avín,
n’Asturies (6 h. de carretera). Llegamos
a les 15’30 h., ya istalamonos en dos bungalows en costrución. A les 17’30 el restu de l’equipu francés ( Kino, Denis, Medhi
y Eric) tornen d’una inmersión n’Obar ú topografien dica’l final
d’esploración de los suizos (embaxu la chimenea).
Los
collacios asturianos reúnense con nos a
la tarde pero quédase solo Teca. Los demás
tornarán mentantu la selmana.
Cenamos
a les 20’45, pa dempués iguar el material pa mañana. Los oxetivos d’esta
espedición son la esploración de H.uenti Obar y una punta en Fonte Obaya.
Llunes
8
Salida
a les 9 h 20, el caberu merguyador desparez nel sifón d’entrada de
H.uenti Obar a les 10 h 30.
El
primer equipu, compuestu por Damien, Eric y Medhi va dica’l final conociu y
entama la esploración faciendo la topo. El
segundu equipu (Denis, Frank, Kino y Teca) topografien dica’l llugar
d’entamu de los primeros nun escaeciendo les llaterales.
Ca equipu fai alredor de 300 m. de topo. Torna xeneral al camping alredor
de les 19 h 30. Mentantu esti tiempu, Marilybn y Michel gueten cueves per
alredor y recoyen sable (¿con cascoxos?).
A la manzorga la carretera, de cara a los coches, Marilyn decátase
n’una entrada nun muy ancha que sopla un fuerte viento frio.
Michel siguela y faen 150 m. de progresión casi tou a cuatro pates y a rastru, n’una rede de surdencia
temporiega, con final enriba d’un pequeñu pozu n’una fastera enforma llaberíntica.
Nun deba tar lloñe del nivel del riu Cares.
Magar de la insistencia de Michel, Marilyn nun quedrá dir facer la
esploraciçon tando embrazada de 7 meses, el so vientre molestala un poco.
Falando llueu con Teca diznos que esa cueva foi destorgada pola A.E.G.,
de Xixón, al tar rellacionada coles torques de Portadera y ser el nivel cimeru
de la surdencia que surde per una estrecha resquiebra enfrente de H.uenti Obar.
Darreu,
suben a los altos penriba Sotres, pero a más de guapos fuexos nun alcuentren
ningún furacu penetrable. Nel
campamento faense dellos llabores indispensables pal bon furrulamientu del
mesmu. Dempués, repasu nel chigre como’l dia anterior.
Martes
9
Güei
faise la salida un poco más sero por definir los equipos y los oxetivos.
Kino, Denis y Teca quedaránse nel ramal cimeru ú faen 220 m. de topo
nes galeries cimeres; Frank y Damien siguen subiendo y parense n’un guapu y
grande sifón d’agua cristalina y exploren delles redes cimeres.
Dempués
de dellos retrasos, Medhi y Eric equipense, pero tienen munchos problemes, asina
que dan media vuelta y van acompangar a Michel pa guetar y topografiar
otres entrades: una entrada aparentemente prometedora ye
a la fin una vieya galería d’una mina de lignito.
Miércoles
10
Dos
equipos:
Damien
y Medhi van esguilar el puntu K na “sala de comer”. Descubren alredor de 200 m de nueves galeríes y paren
n’una estrechura medio somorguiada con repla y una corriente d’aire
aspirante. Nel puntu G, queda por
ver una esguilada (prever llevar una cuerda)
Kino
y Teca van facer semeyes dica el “Bitos”
Güei
pasamos de los 2 km. de topografia.
Pa
los otros dia de descansu, ordenador (meter nicios, diariu), pelicules, llectura
y preparación del material en previsión del somorgamientu de Frank en Fonte
Obaya mañán.
Xueves
11
Preparense
dos equipos (dalgunos d’ellos son mas y mas lentos en preparase):
El primeru va a Fonte Obaya ú Frank tien que continuar la esploración
dempués d’onde dexolo Martín. El
somorgamientu ye fondu, y Frank equípase con un reciclador y dalgunes botelles.
Medhi ye’l so asistente baxu l’agua. Eric,
Teca, Martin, Michel y Marilyn son los carretadores.
Frank, dempués de un sifón en “yo-yo” que baxa
dica -52, sal dempués de 106 m. de desendolcu n’una galeria aeria
n’una poza onde cai un pequeñu
tombayu que nun puede esguilar por nun poder desequipase.
Como
necesita facer delles paraes de deco nun se reune con nos
dica dempués de 2 hores y 30 minutos de somorgamientu.
El
segundu equipu, con Damien, Denis y Kino, retorna a H.uenti Obar pa continuar
les esploraciones al fondu de la fastera cimera, onde paren n’unes estrechures
y en dos esguilaes que habrá que revisar (falto-yos cuerda).
Vienres
12
Desmontar
campametu y retornu de dalgunos, descansu y folixa de fin d’espedición pa
otros. El sábadu retornen los
caberos.
H.uenti Obar
Conceyu
de Cabrales. Asturies.
El Cornión, Picos d'Europa.
X=351.45; Y=4798.5; Z=190 m
Desendolcu topográficu: 2.484 m
Desnivel: 122 m
Asitiamientu
Na
carretera d’Arenas de Cabrales a Poncebos na foz de la Canal Negra, averada a
la mecedura ente’l Riu Cares y la Riega Las Caldas, na oriella d’enfrente de
les cabañes d’Obar. Pueden
aparcase los coches al borde la carretera, 1.000 antes de la presa Poncebos y
travesar el riu p’alcontrar la entrada na oriella izquierda
Hestoria
Esta
cueva ye conocia pelos paisanos poles sos agües calientes (temperatura superior
al Riu Cares). Tres espediciones de
la S.S.S. Genève (Cathy Loumont, André Pahud) y del G.S. Doubs (Dominique Bertín,
Gérard Chorvot) de 1978 a 1980 permiten prolongar la esploración dica’l S 4.
El
caberu dia de la espedición “Picos 2004”, Eric Julien, Kino Passevant y
Damien Vignoles esguilen una chimenea penriba del S. 2 y exploren 600 m. de
grandes galeries. La espedición
“Picos 2005” ( DIGHOUT Medhi, GRAMMONT Denis, HANIN Marilyn,
MANTECA Xesús, PASSEVANT Kino, VASSEUR Frank, VIGNOLES Damien, WIENIN
Michel) llevanta la topografia de lo esplorao y lleva’l desendolcu a 2.488 m.
Por falta tiempu paren les esploraciones en galeries que continuen
inesploraes y un sifón d’agua cristalin.
Karstoloxia
L’agua
caliente provien de subides d’agua fonda a travies de les resquiebres teútóniques.
Una guapa bayura de resquiebres vense bien na parede a la mandrecha de la
entrada.
Caudal
de branu: 20 llitros / segundu
Temperatura
: 14 º C
Pol
so allugamientu, H.uenti Obar pdrie ser la surdencia de les agües de la fastera
al Este del Cabezu Llerosos, pero ninguna colloración tienlo confirmao dica’l
momento.
Descripcion
Sifon
1 :
La entrada de la cavidá ta tapecia ente costeros que solo el collor llixeramente más claru de les piedres de lleron permite estremar. Les dimensiones nun llamen l’atención y ye dempués de 3 m. que la galería tuerce a la mandrecha y amuesase nel so esllendor. L’agua ye cristalina. Na parte de la mazorga ufierta’l lluxu d’un agua a 23 ºC. Dempués de 80 m. la galería sube darreu desde los 8 m. de fondura media. Súrdese n’un llagu en forma resquiebra. A l’este una colada de calcita permite esguilar más bien que mal a una fastera fósil.
Déxase
momentáneamente l’activu. La progresión faise ente grandes costeros perbien
concrecionaos. Un pequeñu saltucu
de 3 m. llevanos otra vegada al riu, pero perdemoslu darreu na base d’una gran
rampla. L’agua surde d’un
furacu d’alredor de 40 cm. de diámetru.
La subida d’esta rampla puede facese’n llibre pero ye enforma
delicada, polo que necesita una cuerda de 50 m.
Medio tapecia ente les capes de marmole prietu alcuentrase una guapa
galeria un poco embarullada qu’encadena una esguilada de 3 m. seguida d’un
saltu tamién de 3 m., que puede ser asegurada con un cachu cuerda de 10 m.
Esta galería da a la Sala de la Escala Inglesa.
Amarrada dempués de munchu tiempu, nos tenemosla reaseguarada con una
cuerda nueva n’agostu de 2005. Esta
esguilada de 10 ye totalmente vertical y fai falta material pa facela.
Dos pequeñes ramples lleven-nos a una serie de llagos poco fondos.
La
Gran Sala:
Nesta,
penriba de la gran estalagmita tarazada, un balcón da pasu a dalgunes decenes
de metros de galeríes asitiaes penriba la galería principal pero que finen
darreu enriba de colaes de calcita. Esta
sala ye una gran seición de galería fósil (alredor de 8 m).
Asitiada n’una fastera fósil, ta colmatada
nes sos dos estremos ppr colaes de calcita.
La galería continua con dimensiones confortables. En dellos llugares,
pequeñes esguilaes permiten dir
admirando delles formes de concrecionamientu.
Tres franquiar dos llagos, llegamos a un saltu de 4 m., ú una cuerda de
8 m. ye indispensable
Pozos Dominó
Na
base del saltu entama una galería a la mandrecha que da a
los Pozos Dominó. Nos nun
baxamos pero les espediciones precedentes mencionent que pude ves’l riu y un
sifón non merguyáu.
Galeria
de la Bañera
Tornando
a la base’l saltu, una rampla non muy pindia empata con una galería que baxa
y dempués d’una bañera alcontramos otra vegada’l riu. El sifón d’agües arriba foi merguyau y esplorau peles
espedicieones anteriores, aparentemente ye muy estrechu.
El sifón temporiegu d’agües abaxu foi franquiau igualmente pero la
estrecha continuación nun fai mas que de tapón.
La
Esguilada de 20 m.
Equipada
dafechu, foi fecha n’artificial en gran parte.
La galería continua con afayaices dimensiones (3x4 m), siempre subiendo,
fai falta ellí entá una cuerda (40 m.). Un
llagu pásase pela manzorga y una pequeña esguilada de 2 m.
tres de la que la galería baxa otra vegada dica un puntu baxu de +60 m.
Siguen una serie d’esguilaes de 5 m. y una baxada dica una gran llagu
onde fai falta escoyer ente nalar y esguilar peles orielles pa evitar moyase
dica’l pescuezu.
Saliendo
del llagu hay una galería nun explorada, pero ente los costeros puede llegase a
La Gran Sala. Cruceiru d’esta
rede, sala pa xintar y puntu d’encuentru. La
primera cuerda qu’alcontarmos na gran
sala ye una esguilada de 9 m. fecha n’artificial. No cimero d’ella esguilamos una sucesión de ramples de
colaes de calcita que finen ensin
esperanza de continuación. Como el
so nome indica, enllamarguiada pero afayaiza al final, la galería ye colmatada per unes colaes de calcita qu’obliguen a chase
al suelu. En dellos llugares puede
acolumbrase boques de galeria más altes que nun exploramos.
Tres alredor de 200 m el pasaxe llega
a un sifón temporiegu de repla llíquida, pero equí paramos la esploración
per esti añu. Fai falta confesar
qu’esta galería nun ye apenes atractiva magar d’una llixera corriente
d’aire.
Rede principal
Conductu de media seición aparentemente semi activu, lleva darréu a un guapu sifón. Tornando, una galería que sube a la mandrecha permite seguir la esploración, un pozu a la manzorga dexa oír el ruido sordu del riu (non baxau). La galería faise darréu estrecha y lleva dempués de dalgunos metros baxo un tombayón de 6 m. remontau n’artificial. Pasau esti pilancu l’ambiente ye mas afayaizu: pequeñu tombayu de 2 m., llagu traviesau nalando, entá un guapu saltu d’agua y dempués…sifón. Perguapo, pero ye’l terminu de la esploración d’esti añu.
Condútu
de media seición aparentemente semi activu, lleva darréu a un guapu sifón.
Tornando, una galería que sube a la mandrecha permite seguir la
esploración, un pozu a la manzorga dexa oír el ruido sordu del riu (non
baxau). La galería faise darréu
estrecha y lleva dempués de
dalgunos metros baxo un tombayón de 6 m. remontau n’artificial.
Pasau esti pilancu l’ambiente ye mas afayaizu: pequeñu tombayu de 2
m., llagu traviesau nalando, entá un guapu saltu d’agua y dempués…sifón.
Perguapo, pero ye’l terminu de la esploración d’esti añu.
Tornando
intentamos una esguilada penriba’l tombayón de 6 m.pero nun descubrimos más
que dalgunes decenes de metros de galeríes cimeres xunies pola cayida de
piedres cola galería principal.
La galería perbaxu la cascada de 6 m. nun la exploramos, magar que ye
penetrable, pero esploración=topo y fízose per sero.
Rede
de l’Afluente
Afluente
que nun vemos apenes n’esta parte de la cavidá, solo’l so ruiu llonxanu
acompanganos mentantu la esploración. Intentamos
seguir el so cursu na base d’un meandru pero’l camín enforma estrechu refúganos.
Salle
du bitos (Sala de les Punteroles) :
Saliendo
d’esta galeria rescarbada, llegamos a la sala nomada del “bitos”, un
pasaxe na oriella drecha permite reatopar l’activu, pero’l camín ye poco fácil
y dexamos la esploración nel final de la topo.
N’esta
sala cuelga una cuerda enriba una colada que fai falta subir.
Siguiendo dempués per un
meandru de 23 m. la bóveda baxa y n’esti llugar ye meyor pasar per una galería que sube
a la mandrecha pa evitar l’estrechu regatu.
Cruceiru
Rede fósil/Rede Activa
Llegamos
al cruceiru de la Rede Fósil. Fai
falta una cuerda de 10 m. na rampla. Ente
los costeros, un furacu a la manzorga empata col meandru dexau enantes.
Pa’l
puntu 1273 m.
Na
base d’estos costeros la continuación ye pel riu. N’eféutu, la grande
galería ascendente remata n’una estrechura y una esguilada nel puntu 1225 m.
El camín faise penosu, la roca ta equí peresboronada.
Un ruiu sordu faise oír y el techu llevántase darreu. Ensin cuerda, parámonos
casi no alto d’un tombayu de 12 m., pero’l caberu movimiento ye enforma
comprometiu ensin cuerda n’estos remotos llugares.
Rede
Fósil de l’Afluente
Tornando al cruceru nomau anteriormente, una guapa galería cristalina ascendente da a una serie de pequeñes esguilaes (prever 2x10 m. de cuerda delgao). Parámos la esploración n’una guapa sala redonda de 10 m. de diametru, ente una ridícula esguilada de 5 m. onde ye bastante un cachu cuerda. En tou casu esta faza ta perguapamente concrecionada.
Fonte Obaya
Gobiendes
– Colunga (Asturies).
Cordoenaes: X= 319,03; Y= 4814,07; Z=70 m.
Desendolcu: 1.406 m topografiaos.
Hestoria
En
1995, los miembros del Grupu d’Espeleoloxia Gorfolí-Ensame Aguarón algamaron
41 m. de fondura. Les tres rames totalicen más de 300 m. de sifón. El sábadu
9 d’agostu de 2003 la xente del Ensame Aguarón axudada pelos franceses nel
porteu instala dica -35 y esplora dos galeríes llaterales que finen en dos campanes ensin continuación.
Mentantu
la espedición “Picos 2004” el equipu Astur-Vascu-Francés esplora 600 m.
nes galeríes inundaes de la cavidá. Nel
mes d’agostu de 2005, el mesmu equipu (Martín Burgui, Medhi Dighouth, Marilyn
Hanin, Eric Julien, Javier Lusarreta, Xesús Manteca, Frank Vasseur) nuna sola xornada franquía el ramal
principal y surde baxu un tombayu d’agua.
Descripción
Una
pindia canal xube dica la boca d’entrada, asitiada no cimero d’una trupa
biesca. Una esguilada de 4 m. llévanos a
la primera sala. Baxando pa’l suroeste,
una afayaiza galería con abondos costeros que da a un llagu a 92 m. de la
entrada.
La
galería somorguiase n’un sifón temporiegu 10 m. más lloñe.
Nel branu una corriente d’aire impresionante sopla per esti pasaxe,
motivu pa les prospecciones na superficie como pa les esguilaes na cavidá.
Tres d’esti pasaxe acuaticu una pindia rampla sube dica un
enanchamientu no cimero. Equí, una
chimenea comunica con una galería cimera.
Baxando una nueva rampla damos a una modesta galería que darreu fina
n’un enanchamientu ocupau pela poza’l sifón, a 141 m. de la entrada.
Penriba d’esti llugar, una chimenea foi esguilada alredor de 30 m.,
pero a menos de 10 m. del suelu una pequeña galería ente costeros
qu’empobinanos a un sifón temporiegu d’onde vien un airón perfuerte. Habría que trabajar esti pilancu puntual. Vaciala per gravedá
podrie ser una solución afayaiza.
Tornando
al nivel del agua, otra galería sube darreu pa contra’l suroeste n’una rede
de galeríes mas pequeñes dan pasu a otres dos poces d’agua.
La primera, al fondu d’un pasaxe fonderu, foi merguyada 10 m. dica un
pasu infranquiable. Dempués de la
nuestra topografía decatámonos que pasa penriba del sifón principal y
nortiase n’otra dirección.
La segunda poza, la más llonxana de la poza del sifón grande, debe
comunicar con elli, porque Dalgunes burbuyes son vistes al pasu de los
merguyadores.
El
sifón principal entama n’una pequeña poza coles paredes enllenes de formes
de corrosión. Baxa darreu a 4
m,f., contra’l noroeste. A esta fondura entama una galería afayaiza (4x2,5 m) que
xira al suroeste. Na oriella
manzorga y agües abaxu, un furacu emerxe n’una sala comunicada per voces cola
base de la rampla siguiente al sifón temporiegu, y surde otra vegada n’una
resquiebra darreu impenetrable, xusto penriba del sifón temporiegu.
Agües
arriba, la galería, de seición irregular y atormentada baxa per pequeños
escalones sucesivos dica a -15 m.f. a 50 m. del entamu.
Una brutal subida lleva a-12
m.f. a un braeru crucero ú améstense tres galeríes, dos d’elles les rames
principales de la cavidá. A
la manzorga una resquiebra grande que fina unos 20 m. máas lloñe a -2 m.f. (72
m. dende la entrada). El final,
impenetrable, asítiase baxu les galeries aeries.
A la mandrecha nel crucero, la galería Xuan Pelos entama per una
estrecha resquiebra (1,3 m. d’anchor) nortiada al suroeste.
Baxa darreu a -35 m.f. (120
m. dende la entrada del sifón), dempués sube a -33 m.f. con unes estreches
dimensiones (1,5x1,5 m.). Un
curtiu pasaxe desdobla la galería que sigue cola mesma pendiente dica la
fondura de -28 m. (185 m. dende la entrada).
La galería xira darréu al Sur a favor d’una fuerte resquiebra que
lleva a un segundu puntu baxu a -35 m.f. Fai
falta escoyer entós l’itinerariu na estrechura na galería qu’anúnciase
entós. Nel suelu, les dimensiones
son más afayaices, pero un saliente pon fin a la progresión. Fai falta llevantase pa franquiar la estrecha subida
(franquiada con 2x9 ll. y una botella d’etapa dexada al entamu de la
estrechura). Alcuentrase darréu
una seición más afayaiza pero menor que la del entamu d’esta galería.
Sube pasu ente pasu pero’l camín a seguir ye menos nidiu al traviés
de la resquiebra. Na cota 234 m. ta
a -28 m.f, y dempués a -12 m.f. na cota 280 m.
Apretau ente les paredes cada vegada más xuntes y nortiaes al
sur-sureste el conductu acábase n’una campana, onde la parte aeria de la
resquiebra prolóngase no cimero ensin continuación prometedora.
Pasando perbaxu d’unos costeros empotraos llégase a -3 m.f. pa
descubrir l’entamu d’un meandru estrechu y sinuosu pero penetrable con
botelles más pequeñes en configuración llateral.
Tamos equí a 322 m. de la poza d’entrada del sifón.
Nel
cruce, el ramal principal imponse a la evidencia.
Un descomanau conductu (3x4 m.), rescarbau unos 3 m. de fondura baxa pasu
ente pasu pa’l sur dica -40 m.f. La
parte rescarbada desparez equi y
camudase n’un suelu estrau de grava, entós la galería enánchase a más de 6
m. , a 150 m. de la entrada. Una
veintena de metros a esta fondura y fai falta escoyer ente dos pasaxes forzaos
paralelos que preséntense dempués d’un sutil pasau vertical.
La de la manzorga ye más espaciosa y más diréuta.
Amestense dempùés na base d’una resquiebra vertical ascendente , u ta
amarrau el puntu terminal de los merguyadores precedentes (Xesús
Manteca y Javier Lusarreta, Carmen Portilla y Fidel Molinero).
La chimenea del Puturrú (una
bébora viril regalada a Oscár pel so suegru pa verificar de xuru que’l so
xenru tienlos bien agarraos) sube darréu de -40 m.f. a -17 m.f..
Les burbuyes suben entá más, pero ye alnivel del suelu onde netama un
impresionante meandru somorguiau: la Galería del Coneyu (remembrando unes
prestaciones sexuales d’Oscár en 2004).
Tres d’una curva pa’l sureste, la galería gana n’envergadura (4x6 m.) ya inclínase de sutrucu. Báxase asina ente requexos dica 270 m. (-46 m.f.).
Ellí, un culu de sacu con abondes formes d’erosión prietes ye de mal
augurio. Entós, unos metros
más p’atrás, subiendo verticalmente, alcontramos una galería mas modesta
(1,5x1,5), paralela na so parede manzorga a una resquiebra impenetrable.
Ye la Galería Aconeyante. Pasada
una estrechura ente costeros, a -36 m. f. empata perpendicularmente con una
galería más grande (3x5 m.) Baxa
agora dica -52 m.f., no cimero d’una poza onde’l fondu debe atopase a -58
m.f. Un curtiu esnalar de 5 m., pues la continuación no cimero
otra vegada. Una fuerte subida a
-44 m.f. (370 m.) y la galería caltiense afayaiza (2,5x2,5 m.) pero la rampla
ye menos pindia (el Piedrón de Rebeca). Sigue
alredor de -38 m.f., siempre al este con escalones más y mas pindios.
La roca enarbola’n dellos llugares llamativos gordos cristales que
contrasten colos prietes piedres de llerón.
A partir de -26 m.f. el sifón faise más vertical. Termina por emerger,
a 476 m. de la entrada, n’una guapa poza partida en dos cachos per una parede
de roca. El techu ta a más de 7 m.
El
calce cai per un tombayu de 50 cm. y más p’allá la galería sigue tornando a
la mandrecha bañada per un llagu. Faerá
falta pasar dos merguyadores pa que un pueda desequipase nel agua sofitau pel so
compañeru, y esguilar esti pequeñu pilancu. Va
seguir…
Carstoloxia
Fonte
Obaya ye la surdencia de la xerra del Puertu Sueve, que culmina a 1.100 m.s.n.m.
Surde na fastera norte de la xerra, al nivel del mar.
Una resquiebra superponse a la Galería Xuan Pelos.
Los espeleólogos del Grupu d’Espeleoloxia Gorfolí descubrieron
recientemente dos pozos que finen a -12 y -25 m.f. a 950 m.s.n.m. en Vega
Lechial.
Galería
Pricipal de Fonte Obaya 346 m.
Galería
Llateral 252 m.
Fonte
Santa 117 m.
N’esta
campaña esploranronse 715 m. con un desendolcu total de la cavidá de 1.406 m.
Malacoloxia
(por
Henri Girardi y Michel Wienin)
N’Obaya
encontrose gran bayura de conches (una
treintena en total), pertenecientes al xeneru Alzoniella que remplaza los
Bythinelles pa’l oeste del Pais Vascu, magar que la ocupación ye cimeramente
alpina. A priori, nenguna de
les cuatro especies descrites na Península Ibérica foi señalada nos
Picos d’Europa ni correspuende a otra forma. Hay
una gran probabilidá de que seya una novedá.
>> topografía:
BILAN
FINANCIER
DEPENSES
RECETTES
Transport,
essence et péage 1 386 €
Alimentation midi et matin 200 €
Alimentation soir 384 €
Camping 288 €
Rapport 100 €
Consommables * 450 €
Participants 2.208 €
CIR LRMP (FFESSM) 300 €
CREI (FFS) 300 €
TOTAL 2.808 € / 2 808 €
* Cordes et plaquettes inox laissées en
fixe, carbure, fil d’Arianne.
BIBLIOGRAPHIE
XXX:
1972 Rapport d’expédition du Reading University Caving Club.
XXX:
Rapports d’expédition du Kingswood Caving Group 1976, 77 et 78.
André
PAHUD et Cathy LOUMONT: 1979 «Plongées dans les Picos de Europa».
Hypogées
n°43, bulletin de la section genevoise de la Société Suisse de Spéléologie,
12p.
Gérard
CHORVOT: 1980 «Bilan de trois années d’explorations souterraines dans les Picos
de Europa». Bull. G.S.Doubs : 27 p.
Gérald
FAVRE: 1981 «Recherches spéléologiques en Asturies – Picos de europa
1976-77-78».
Bull. S.S.S.G. 51p.
Collectif:
1985 «Spécial Picos de Europa» Spelunca n°19.
S.S.S.G.:
1986 «Spécial Picos: Puertos de Ondon» p. 102 et suivantes.
J.J.
Lusarreta Fernadez, X.F. Manteca Fraile, I. Baides Morente, X.L. Del Rio
Fernandez, J.J. Alonso: 1996 «Espeleobuceo en Asturias y Cantabria».
Subterranea n°6, octubre. 1996, p. 50-56.
www.espeleoastur.as
www.plongeesout.com
Richard
Huttler, Frank Vasseur: 2004 «Expédition Picos 2003» Subaqua n°192, p.54-55.
Avril
2004 Rapport d'expédition "PICOS 2003", Frank Vasseur. FFS/FFESSM/Ensame
Aguaron
(CREI n°14/03).
Juin
2004 speleo n°47: Picos de Europa, une plongée à l'anglaise, p8. Frank
Vasseur.
Avril 2005 Rapport d'expédition "PICOS 2004", Damien Vignoles. FFS/FFESSM/Ensame Aguaron (CREI n°22/04).
>> topografía:
Galería en H.uenti Obar
