Espedición FFESSM-Ensame Aguarón
Picos d’Europa 2007 (Asturies)
Spéléo
Club des Taupes Palmées, 2007
Torna: Xesús F. Manteca (GE Gorfolí -
Asturies)
H.uenti Obar
Conceyu
de Cabrales. Asturies.
El Cornión, Picos de Europa.
X=351.45; Y=4798.5; Z=190 m.
Desendolcu topográficu: 2.484 m.
Desnivel: 122 m.
Asitiamientu
Na
carretera d’Arenas de Cabrales a Poncebos na foz de la Canal Negra, averada a
la mecedura ente’l Riu Cares y la Riega Las Caldas, na oriella d’enfrente de
les cabañes d’Obar. Pueden
aparcase los coches al borde la carretera, 1.000 antes de la presa Poncebos y
travesar el riu p’alcontrar la entrada na oriella izquierda
Hestoria
Esta
cueva ye conocia pelos paisanos poles sos agües calientes (temperatura superior
al Riu Cares). Tres espediciones de la
S.S.S. Genève (Cathy Loumont, André Pahud) y del G.S. Doubs (Dominique Bertín,
Gérard Chorvot) de 1978 a 1980 permiten prolongar la esploración dica’l S 4.
El
caberu dia de la espedición “Picos 2004”, Eric Julien, Kino Passevant y
Damien Vignoles esguilen una chimenea penriba del S. 2 y exploren 600 m. de
grandes galeries. La espedición
“Picos 2005” ( DIGHOUT Medhi, GRAMMONT Denis, HANIN Marilyn,
MANTECA Xesús, PASSEVANT Kino, VASSEUR Frank, VIGNOLES Damien, WIENIN
Michel) llevanta la topografia de lo esplorao y lleva’l desendolcu a 2.488 m.
Por falta tiempu paren les esploraciones en galeries que continuen
inesploraes y un sifón d’agua cristalin.
Karstoloxia
L’agua
caliente provien de subides d’agua fonda a travies de les resquiebres teútóniques.
Una guapa bayura de resquiebres vense bien na parede a la mandrecha de la
entrada.
Caudal
de branu: 20 llitros / segundu
Temperatura
: 14 º C
Pol
so allugamientu, H.uenti Obar pdrie ser la surdencia de les agües de la fastera
al Este del Cabezu Llerosos, pero ninguna colloración tienlo confirmao dica’l
momento.
Descripcion
Sifon
1 :
La entrada de la cavidá ta tapecia ente costeros que solo el collor llixeramente más claru de les piedres de lleron permite estremar. Les dimensiones nun llamen l’atención y ye dempués de 3 m. que la galería tuerce a la mandrecha y amuesase nel so esllendor. L’agua ye cristalina. Na parte de la mazorga ufierta’l lluxu d’un agua a 23 ºC. Dempués de 80 m. la galería sube darreu desde los 8 m. de fondura media. Súrdese n’un llagu en forma resquiebra. A l’este una colada de calcita permite esguilar más bien que mal a una fastera fósil.
La
Gran Sala:
Nesta,
penriba de la gran estalagmita tarazada, un balcón da pasu a dalgunes decenes
de metros de galeríes asitiaes penriba la galería principal pero que finen
darreu enriba de colaes de calcita. Esta
sala ye una gran seición de galería fósil (alredor de 8 m).
Asitiada n’una fastera fósil, ta colmatada
nes sos dos estremos ppr colaes de calcita.
La galería continua con dimensiones confortables. En dellos llugares,
pequeñes esguilaes permiten dir
admirando delles formes de concrecionamientu.
Tres franquiar dos llagos, llegamos a un saltu de 4 m., ú una cuerda de
8 m. ye indispensable
Pozos Dominó
Galeria
de la Bañera
Tornando
a la base’l saltu, una rampla non muy pindia empata con una galería que baxa
y dempués d’una bañera alcontramos otra vegada’l riu.
El sifón d’agües arriba foi merguyau y esplorau peles espedicieones
anteriores, aparentemente ye muy estrechu.
El sifón temporiegu d’agües abaxu foi franquiau igualmente pero la
estrecha continuación nun fai mas que de tapón.
La
Esguilada de 20 m.
Equipada
dafechu, foi fecha n’artificial en gran parte.
La galería continua con afayaices dimensiones (3x4 m), siempre subiendo,
fai falta ellí entá una cuerda (40 m.). Un
llagu pásase pela manzorga y una pequeña esguilada de 2 m.
tres de la que la galería baxa otra vegada dica un puntu baxu de +60 m.
Siguen una serie d’esguilaes de 5 m. y una baxada dica una gran llagu
onde fai falta escoyer ente nalar y esguilar peles orielles pa evitar moyase
dica’l pescuezu.
Saliendo
del llagu hay una galería nun explorada, pero ente los costeros puede llegase a
La Gran Sala. Cruceiru d’esta
rede, sala pa xintar y puntu d’encuentru.
La primera cuerda qu’alcontarmos na
gran sala ye una esguilada de 9 m. fecha n’artificial. No cimero d’ella esguilamos una sucesión de ramples de
colaes de calcita que finen ensin
esperanza de continuación. Como el
so nome indica, enllamarguiada pero afayaiza al final, la galería ye colmatada per unes colaes de calcita qu’obliguen a chase
al suelu. En dellos llugares puede
acolumbrase boques de galeria más altes que nun exploramos.
Tres alredor de 200 m el pasaxe llega
a un sifón temporiegu de repla llíquida, pero equí paramos la esploración
per esti añu. Fai falta confesar
qu’esta galería nun ye apenes atractiva magar d’una llixera corriente
d’aire.
Rede principal
Tornando
intentamos una esguilada penriba’l tombayón de 6 m.pero nun descubrimos más
que dalgunes decenes de metros de galeríes cimeres xunies pola cayida de
piedres cola galería principal.
La galería perbaxu la cascada de 6 m. nun la exploramos, magar que ye
penetrable, pero esploración=topo y fízose per sero.
Rede
de l’Afluente
Afluente
que nun vemos apenes n’esta parte de la cavidá, solo’l so ruiu llonxanu
acompanganos mentantu la esploración. Intentamos
seguir el so cursu na base d’un meandru pero’l camín enforma estrechu refúganos.
Salle
du bitos (Sala de les Punteroles):
Saliendo
d’esta galeria rescarbada, llegamos a la sala nomada del “bitos”, un
pasaxe na oriella drecha permite reatopar l’activu, pero’l camín ye poco fácil
y dexamos la esploración nel final de la topo.
N’esta
sala cuelga una cuerda enriba una colada que fai falta subir.
Siguiendo dempués per un
meandru de 23 m. la bóveda baxa y n’esti llugar ye meyor pasar per una galería que sube
a la mandrecha pa evitar l’estrechu regatu.
Cruceiru
Rede fósil/Rede Activa
Llegamos
al cruceiru de la Rede Fósil. Fai falta
una cuerda de 10 m. na rampla. Ente los
costeros, un furacu a la manzorga empata col meandru dexau enantes.
Pa’l
puntu 1393 m.
Na
base d’estos costeros la continuación ye pel riu. N’eféutu, la grande
galería ascendente remata n’una estrechura y una esguilada nel puntu 1225 m.
El camín faise penosu, la roca ta equí peresboronada.
Un ruiu sordu faise oír y el techu llevántase darreu. Ensin cuerda, parámonos
casi no alto d’un tombayu de 12 m., pero’l caberu movimiento ye enforma
comprometiu ensin cuerda n’estos remotos llugares.
Un encadenamientu de cascades permiten estirase un poco dempués de les
estrechures de la base del meandru. En
delles ocasiones intentamos algamar niveles más anchos pelo alto. Pero estes
galeríes anches y percolcrecionaes son colmataes regularmente. La torna a la
base del meandru imponse nel barullu costeros terminal.
Perinestable, ta nel contáutu colos lignitos y dexanos ensin grandes
esperances.
Rede
Fósil de l’Afluente
Tornando
al cruceru nomau anteriormente, una guapa galería cristalina ascendente enllena
de romboedros da a una serie de pequeñes esguilaes
N’una guapa sala redonda de 10 m. de diametru, una curtia esguilada de
6 m. dexa algamar a la Galería Zoé perguapamente concrecionada.
Tres un percorriu de 60 m. llegamos a la Sala Yohanne, que parez indicar
una continuación. Dos grandes
furacos son visibles no alto, alredor de 25 m. d’altor.
A l’este de la sala una esguilada ente formes de corrosión dexa
algamar un gran balcón. Dende esti
llugar, ufiertensenos numberosos entamos de galería.
Camentamos topografiar la más averada y la más acesible.
L’entamu de la continuación foi reconocidu arrodiando la sala ente les
formaciones.
Galeria
del 14 de Xunetu:
¡Esta ye la gorda!. Fai falta pasar ente grandes costeros p’algamar la entrada de la galería. Tres un furacu de 10x20, la contiunuación amuésase baxo la forma d’un meandru fósil dica la sala del puntu X, ú una de les galeries llévanos a la Sala Yohanne. Continuamos topografiando esti meandru onde les dimensiones más que honorables nun rivalicen cola bayura y la guapura de la decoración. Alcontramos a lo llargo del nuesu percorriu columnes, meduses, cirios, concreciones de yesu, aragonites y escentriques. No cimero d’un costeru, la continuación parez evidente.
Esta esploración ta fecha nel cursu de les espediciones Picos 2003, 2004, 2005 y 2007 nes qu'andecharon:
España: Ramón Obeso Amado, Juan José Alonso, Isidro Baides, Irene Barajas Eberle, Juan Jose Barajas Eberle, Martin Burgui, Cristina y Oscar Cuadrado Méndez, Xosé Lluis del Río Fernández, Javier Lusarreta, Josep Guarro, Xesús Manteca, Francisco Solís González.
Francia: Medhi Dighout, Delphine y Christian Deit, Denis Grammont, Marilyn Hanin, Richard Huttler, Eric Julien, Nadir Lasson, Laurent Mestre, Kino Passevant, Mathias Rosello, Guillaume Tixier, Frank Vasseur, Damien Vignoles, Michel Wenin.
Bélxica: André-Marie Dawagne, Jean-François Manil, Marc Vandermeulen.
Agradecimientos: La Beluga, Les Taupes Palmées, Spéléo Club des Causses, Club Subaquatique Sud Aveyron, Societé Cévenole de Spéléologie et de Préhistoire, Ensame Aguarón-Grupu d'Espeleoloxía Gorfolí, Commission Régionale de Plongée Souterraine Languedoc-Rousillon/Midi-Pyrénées (FFESSM), Commission Relation et Expédition Internationale (FFS), Camping "PICOS DE EUROPA".
L'equipu prepárase a la vera'l ríu, que ye preciso cruzar p'aportar a la entrada. Semeya: Marilyn Hanin
Entrada de H.uenti Obar. Semeya: Marilyn Hanin
Denis porteando nel S1, a lo fondero la entrada. Semeya: Richard Huttler
Salida del S1. Semeya: Richard Huttler
La Gran Sala. Semeya: Xesús Manteca
En progresión. Semeya: Richard Huttler
En progresión. Semeya: Romuald Barré
En progresión. Semeya: Richard Huttler
El Cruce los Romboedros. Semeya: Romuald Barré
Galería Zoé. Semeya: Romuald Barré
>> topografía:
H.uenti Obar | planta
