EL GÜEYU DEVA

X.F. Manteca (Grupu d'Espeleoloxia Gorfolí)

 
 
 
 

CUENTOS DEL GÜEYU DEVA
Los pueblos que poblaben lo que güei conocemos como Arcu Arlánticu formaben parte d’una cultura que sofitaba les sos idegues relixioses nún cultu animista que reconocia les fuercies de la ñatura. Tamién esti mundiu siempre tuvo perimpresionau pel más allá, y lo sobreñatural tien un llugar cimeru no sos vezos. Al pasu de les dómines, realidá y fantasía son la mayoria de les vegaes dificilmente dixebrables. La mesma ñatura preséntase delles vegaes como una fuercia sobreñatural esborronadora y topoderosa. Tal ye’l casu del agua que-y quita a la tierra tó lo que-y pertenez. Nún pais con un clima tan estremau del restu de la Península Ibérica y considerau durante munchos sieglos como el llugar más montunu, xabaz y alloñau de la cultura espardida pela Península, nun ye de estrañar que la llerza a lo desconocio calténgase con gran fuercia na memoria colleutiva más tapecia de la xente.

Ye perconocio que un de los cultos cimeros de los pueblos arlanticos yera el de les divinidaes del’agua. Esti cultu ta espardiu tamién peles tierres asturianes, magar que todos tienen ya enriba una capa de sacralización cristiana. Esto ye, aprovechar cultos anteriores pa sofitar los nuevos.

El toponimu “Deva” provien del prerromanu Deivos, evolucionau nel llatín a Diva, diosa, y yera la forma de nomar los romanos a les divinidaes del agua qu’adoraben los pueblos que poblaben Asturies enantes de la invasión romana. Exemplos nidios son el Riu Deva, na llende ente Asturies y Cantabria, el Riu Deva ó Diva, que naz embaxu la cueva de Cuadonga y onde ta nidio qu‘esistia un cultu a una divinidá femenina anterior.
El casu del Güeyu Deva asoleya la idega completa del tránsitu del agua al travies de lo desconocio. Camenta la xente del llugar, podriemos decir qu’acertadamente, que l’agua del Güeyu Deva vien del Valle’l Riosecu. Y na cabecera d’esti valle hay una antigua ermita dedicada a La Milagrosa ó Santana. L’agua surde nel Güeyu Deva, onde ta la ermita de Nuesa Señora de Peña Francía, otru llugar de cultu a les agües representau per una divinidá femenina.
Podriemos ver una evolución asina:


D’onde vien l’agua.......
....Dana (Divinidá Arlántica) .......
....Madre de l’Agua.......
....Madre la Virxen (Cristianización).....
....Ana....
....Santana...
....Onde sal l’agua.......
....Deva (Divinidá Prerromana)........
....Cultu femenín al agua.....
....La Virxen (Cristianización).......
....Nuesa Señora de Peña Francía.

Hay delles hestories sobre l’orixe del’agua del Güeyu Deva. La más espardia diz que’l agua vien de Cuadonga, que les manches coloraes que vense nel fondu’l pozu la fonte ye’l sangre los moros que mató Pelayo na Cueva de Cuadonga y que’l agua traxo pa Deva. L’orixe d’esti cuentu ye la capa d’óxido de fierro que hai enriba les piedres del fondu la poza.

Otra hestoria que tien más de ser real ye la de un paisanu que a primeros d’esti sieglu entraba dientro la cueva a piescar truches metanes una seca pergrande. Pero la más real ye la que diz que l’agua vien del Valle’l Riosecu. Entá a metanes d’esti sieglu faciase una pelegrinación el dia de Cuadonga dende Nuesa Señora de la Peña Francía fasta Santana nel Valle’l Riosecu, siendo esto el caberu vezu de l’adoración a los dioses del agua.

Otros cuentos falen que la Nueche de San Xuan, nel solsticiu de branu, salien les xanes del Güeyu Deva y diben xugar a los bolos, con bolos d’oru, por supuestu, al Campu Xuanes, un prau averau a la Fonte’l Güeyu.

 


BIBLIOGRAFIA
G.E. Gorfolí, "Campaña 1997".
Ensame Aguaron, "El Güeyu Deva", Actas del 7º Congreso Español de Espeleologia, 1997, pp. 125,131.
G.E. Gorfolí, "Campaña 1998".
J.F. Manteca, J.L. del Rio y J.J. Alonso, "El Güeyu Deva", Revista "Asturies, Memoria Encesa d'un País", númberu 6, Marzu 1999, pp. 85 a 95, edita Conceyu d'Estudios Etnográficos Belenos.X.R. Fernande, "Deva, la Güella de la Diosa Astur", Editorial Trabe, Uviéu, 1998.
X. Morán, "El Camín Xixón Cuadonga", Alborá Llibros, Xixón , 1998.
M. Jimenez y S. Anadón, "El Valle de Rioseco".
Revista "Magma, Boletín de Información Espeleológica", número 5, Diciembre 1998. Edita Asociación Cultural Magma. - Ensame Aguarón-G.E. Gorfolí, "El Güeyu Deva". Revista "Magma, Boletín de Información Espeleológica, número 5, Diciembre 1998. Edita Asociación Cultural Magma.

 

>> les semeyes

 

     
     
  www.espeleoastur.as